JARINGAN INTERNET YSU SAGED KANGGE KONEKSI MALIH

FBS, UNY – Selasa Kliwon (23/9/2014), Fakultas Bahasa dan Seni (FBS) sampun saged ngakses Yogyakarta State University (YSU) malih. Jaringan internet Universitas Negeri Yogyakarta (UNY) ingkang kala wingi sisah dipun-akses samenika sampun saged dipunginakaken kangge koneksi internet wonten ing kampus FBS.

Sedangunipun kalih minggu kepengker anggenipun ngakses YSU angel, para mahasiswa dados sisah ngakses internet ngangge laptop pribadi. Ananging samenika sampun boten sisah malih, awit YSU sampun saged kangge koneksi internet. Mekaten wau ingkang saged nyengkuyung proses belajar mandiri mahasiswa. Kanthi menika, pangajabipun mugia sedaya civitas akademika UNY tansah saged majeng lan sukses anggenipun nyithak mahasiswa ingkang takwa, mandiri, cendekia. (Fetiyani Yuniana Ismawarsari)